YAADEIN BACHPAN KE ………….(WHAT A LIFE??)

BACHPAN KE DIN…………(YAADEIN)

Wo bhi kya din the.. school ki uniform,bhaari sa bag,paani ki bottle aur bus stop…aur Monday  ..

Mann hi mann Bhagwaan se manaate rahte..‘Bhagwaan aaj baarish ho jaaye”ya..‘aaj bus kharaab ho gayi ho ‘…Aur jab bus saamne dikh jaati to..‘Bhagwaan aaj teacher absent hon..‘  .Jis din bhi in mein se ek bhi prarthna Bhagwaan sun lete ..WAAH..  hum Bhagwaan ke fan ho jaate..

Mere badey bhai aise din khoob pareshaan karte.. Kahte ‘Niraj jaldi se taiyar ho jao,chalo main pahuncha deta hoon school’ ,aur main ek aur prarthna dohraane lagta ‘Bhagwaan bhaiya ki bike start hi na ho..’ 

Aise hi ek din ki baat hai..Sunday se hi khoob baarish ho rahi thi aur Monday ki subah jagah jagah sadakon pe paani bhar gaya tha,jab school bus nahi aayi to [chhote aur main ] hum dono khoob khush..Tabhi badey bhaiya ka aadesh hua..‘bachchon chalo main pahuncha deta hoon ‘ :( Chhotey ka school door tha aur ab waqt bhi kaafi ho chuka tha,par mere school tak aaraam se pahunch sakte the,so.. ‘Niraj, chalo tumko school to jaana hi hai’..Main chhote ki kismat se rashq karta,Badey bhaiya ke darr se chupchaap chal deta..Wo school ke paas aane par poochte,‘kya sach mein mann nahi tumhaara jaane ka?’.. Arrey..Bhagwaan main to aaj se aapki sabse badi fan hoon.. Jawaab deta ‘ ji bhaiya’.. Lekin itni der mein to hum school ke gate ke saamne hotey.. :(

Mann ghabraane lagta,aaj to phans gaye bachche, kisi bhi teacher ne dekh liya to punishment to pakki hi hai,aur sabke saamne insult hogi so alag..Ek baar bhaiya to ek bar school ki taraf dekhta… Bhaiya please…[5 minutes aur ho gaye] Tabhi achaanak… Bhaiya ne kahaa ‘Beta chalo waapas chalte hain…‘ WOW…Bhaiya sabse achchhe…

Baad mein pata chalta ki bus driver jinhein hum Subramaniam uncle kahte the,unhone ishaara kar diya tha ki ’ Rainy day ‘ ho gaya hai…  :)